قصيده بحب الوطن

قصيدة بحب الوطن
الشاعر
(((((( كاميران العداي )))))))

رافگني وكتي جــــــرح وجرح الكرامه وكح حاسبلي غير احســــاب
ما قصـــــــــر برفگته بوجهي رسم صورته خلاني مالي اصــــحاب
رافگني لمــــــــــن طحت ومن شافني تالمت سواني مثــــل البــــاب
بس التفت ينفتح ومــــــــــــن المسه للصبح متعانگـــــــين احــــباب
لكن گمت ما خفت البيت الشعر هاجــــــــرت والصـــوره بيــــه كتاب
اوگف قلم بي حبــــــــــر واگعد ورق ينتضر بس مــــا اجـــة السياب
وحــــــــاير صرت بالالم بس ما كسرت القلم وارسم گمــت محـــراب
واذن بچفي الصبر وگمـــت ارد اصلي الفجر لــــــن ابن ملـــجم طاب
السيـــــــــف بيدة قدر ومعلگة على الهمـــر ومســجدنه كلــه احزاب
وچفيني الــــــه اتچتفن وگمت ودفعت الثمن وحســـــابي ذبح ارگاب
من الشيخ ومن المرة ورگبة غصن وشجرة وعصبة شرف وحـجاب
وبس غمضت عالشرف مشوا بعيني السرف وزرعــــــوا بعيني نياب
كل ناب عبوة انزرع بس الشـــــــرف ماوگع شبگن عليـــــــه الهداب
والمني طالب شهم مـــــــن مات ضل مبتسم بس وجهه كلــــه اتراب
مـــــن المدرسه من طلع بيده الشهاده رجع واول علــــــــــى الطلاب
والعيد مـــــــــــــن اقترب جابنه نار وحطب ويحــــــــرگ گعد لثياب
ثوب الفــــــرح شگگه وثوب الحزن علگه ولبسنه ثــــــوب ارهاب
والثوب هـــــــد المتن ودموعي نزلن حزن وانه اعـــــرف الاسباب
يمكن لان قصـــــــــرت ويمكن لان هاجرت ويمكــــــــــن دمع چذاب
بس الحقيقه الدمـــــــــــــــع ينزل اذا تقتنع بالـــــــــــوطن ما تنهاب